ஓ வெண்ணிலா இரு வானிலா...

ஓ வெண்ணிலா இரு வானிலா

ஓ நண்பனே அறியாமலா

கண்ணே கண்ணே காதல் செய்தாய்

காதல் என்னும் பூவை நெய்தாய்

நண்பன் அந்த பூவை கொய்தான்

ஓ நெஞ்சே நெஞ்சே நீயென் செய்வாய்

(ஓ வெண்ணிலா..)

மழை நீரில் வானம் நனையாதம்மா

விழி நீரில் பூமுகம் கரையாதம்மா

எனைக் கேட்டு காதல் வரவில்லையே

நான் சொல்லி காதல் விடவில்லையே

மறந்தாலும் நெஞ்சம் மறக்காதம்மா

இறந்தாலும் காதல் இறக்காதம்மா

(ஓ வெண்ணிலா..)

இருக்கின்ற இதயம் ஒன்றல்லவா

எனதல்ல அதுவும் உனதல்லவா

எதை கேட்ட போதும் தரக்கூடுமே

உயிர் கூட உனக்காய் விட கூடுமே

தருகின்ற பொருளாய் காதல் இல்லை

தந்தாலே காதல் காதல் இல்லை

(ஓ வெண்ணிலா..)

பாடியவர்: உன்னி கிருஷ்ணன்

படம்: காதல் தேசம்

இசை: AR ரஹ்மான்

என்னை காணவில்லையே...

அன்பே..

என்னை காணவில்லையே நேற்றோடு

எங்கும் தேடிப் பார்க்கிறேன் காற்றோடு

உயிர் ஓடிப்போனதோ உன்னோடு அன்பே..

நான் நிழலில்லாதவன் தெரியாதா

என் நிழலும் நீயென புரியாதா

உடல் நிழலைச் சேரவே முடியாதா அன்பே..

நடைப்போடும் பூங்காற்றே பூங்காற்றே

வா வாஎன் வாசல்தான்

வந்தால் வாழ்வேனே நான்

ஆகாரம் இல்லாமல் நான் வாழக் கூடும்

அன்பே உன் பேரைச் சொல்லித்தான்

தீக்குச்சி இல்லாமல் தீ மூட்டக் கூடும்

கண்ணே நம் கண்கள் சந்தித்தால்

நான் என்று சொன்னாலே நான் அல்ல நீதான்

நீ இன்றி வாழ்ந்தாலே நீர்கூடத் தீதான்

உன் ஸ்வாசக் காற்றில் நான்..

(என்னை காணவில்லையே..)

நிமிஷங்கள் ஒவ்வொன்றும் வருஷங்கள் ஆகும்

நீ என்னை நீங்கிச் சென்றாலே

வருஷங்கள் ஒவ்வொன்றும் நிமிஷங்கள் ஆகும்

நீ எந்தன் பக்கம் நின்றாலே

மெய்யாக நீ என்னை விரும்பாத போதும்

பொய் ஒன்று சொல் கண்ணே என் ஜீவன் வாழும்

நிஜம் இந்த காதலென்றால்

(என்னை காணவில்லையே..)

பாடியவர்கள்: SP பாலசுப்ரமணியம், ராஃபி, OS அருண்

படம்: காதல் தேசம்

இசை: AR ரஹ்மான்